Friday, February 17, 2012

Hanggang sa muling pagkikita...

Rurok ng hirap at pagsubok iyong nalasap
Hindi nagpatinag dahil si Jesus ang kayakap
Dumanas ng sakit maging ng lngkot
Pero puso’y ni minsa’y nde man lang namoot.


Okay lang ang laging tugon kahit sa problema’y baon
Ngiti’y nde nawawala sa kahit anong pagkakataon
Ligayang natagpuan mo kay Jesu-Kristo
Ang laging tangan saan ka man madako.


Sa pag-aaruga at pagmamahal ay hindi nakulang
Kabutihan naming ang laging isinasaalang-alang
Responsbilidad ay buong puso mong niyakap
Kahit makailang ulit na ika’y aming nasaktan.


Ilang laban na ang hinarap para kami’y protektahan
Hindi baling ikaw ‘wag lang kami ang masaktan
Dakilang pagmamahal ang sa ami’y ipinaranas
Hindi kayang sukatin kahit na sinong pantas!


Lambingan at kulitan, iyak at tawa maging daing at saya
Lahat ng tungkol sayo sa puso ko’y nakaukit na
Yakap at pag aasikaso mo ang mamimiss ko
Maging mga kwentong nde maubos-ubos.


Ano mang salita ko’y nde kayang tumbasan
Lahat ng pasakit at hirap na narasanan
Salamat ‘nay sayong dakilang pagmamahal
Salamat sa alaga maging sa mga banal mong aral.



Paalam nanay ko hanggang sa muling pagkikita...